Buhay Teleserye

kung ako si agua, ikaw naman si bendita.

lahat ng ginawa mong pagsisinungaling, panlalait, pagmamaltrato at pangaapi ay babalik at babalik sa yo. ika nga nila, ang "karma" daw eh parang "shake, rattle and roll", ang daming sequel.

siguro kasing ganda mo si etang, lillian, zeny, carol, celia, rosemarie, cherie, odette, agot, jean, eula at odette. buti pa sila may ganda, pero kung kaharap mo ang magic salamin ni tito boy, dun mo iisipin - "putcha, bella pala ako, bella!"

at kung di mo kilala ang mga pangalan na binanggit ko, siguro naman kilala mo si senyora aguida. at kung di mo pa rin ma gets yan (naman, ilang taon ka na ba?!), sige ikaw ang clara sa buhay ni mara!

ang itim ng budhi mo, kasing itim ng barako kape dyan ke manang trining. at kahit lunurin mo yan ng isang toneladang asukal at fresh cows milk, di mapagkakaila na ang pait, kasing pait ng ginawa mong ipagkanulo ang aking tiwala. syet, ang lalim ng "ipagkanulo", "betray" po yan reader.

pero kung si mara at clara e pinagbati, at kung si agua at bendita eh mukhang magkakabati din, siguro meron pang pagasa sa teleserye na gulong ng palad. pero sabi nga ng PAGASA, "stormy weather, rain and thunderstorm on the horizon, today is Thursday and tomorrow is mostly Friday".

siguro biktima ka din ng mga taong pumapaligid sa yo. yan din ang sinabi ni eba ke adan. pero naman, makikinig ka ba sa ahas e mas maigi kausap ang tao? mas yummy pa, naked and nakakagigil. yaaa, "bite me!" the apple said to eve.

at ngayon na kinagat mo na ang mansanas, dalangin ko natauhan ka. may mga taong tinatawag mong kaibigan na ang katotohanan ay kalaban. gets mo? ako, gets na gets ko.

ako? dalangin ko hindi pa huli, kung ang Diyos kayang patawarin si hudas barabas estas, siguro kaya ko rin magpatawad.

saranghameda bo!